www.NatusEst.com
Ідзе загрузка...

Хрысціянскі фестываль "Novafest"

Пра фестываль  
"Пакланяцца Айцу ў духу і праўдзе"
Евангелле паводле Яна 4, 23

Хто мы?

Касцёл святога Казіміра ва Ўселюбе - самы старажытны касцёл у Беларусі (1433), які захаваўся ў першапачатковым выглядзе. Архітэктурны стыль - скандынаўская готыка.

Касцёл пабудаваны на сродкі магнатаў Неміровічаў, якія самааддана служылі Ягелонам (бацькам і братам святога Казіміра).

Пярлінай уселюбскага касцёла з’яўляецца цудоўная фігура Маці Божай Новага Жыцця, якая з’явілася тут нядаўна, у 2019 годзе, але ўжо адзна- чана цудамі. Сюды прыязджаюць прасіць Бога аб дары патомства і аздараўлення душы і цела праз заступніцтва Найсвяцейшай Панны Марыі.

Пры касцёле дзейнічае школа малітвы “Natus Est” (Народжаны - лат.), на працягу года праводзяцца тэматычныя малітоўныя рэкалекцыі.

На тэрыторыі касцёла усталявана Крыжовая дарога, зробленая з блакітных крыжоў, а таксама ёсць маляўнічыя месцы для прыватнай малітвы ў даліне “Крыніца вінаградніка” - тут можна духоўна сустрэцца з Дзевай Марыяй праз Яе пасланні.

Дзейнічае Дом Пілігрыма, кавярня, Крама- Галерэя-Музей.

Да ўдзелу ў нашым фэсце запрашаюцца каталіцкія аўтары-выканаўцы і музычныя гурты, малітоўныя рухі, дабрачынныя каталіцкія арганізацыі, рухі абароны жыцця, каталіцкія СМІ, каталіцкія законныя ордэны. Абавязковае патрабаванне да ўсіх удзельнікаў фэста, для выканаўцаў і музыкаў – быць у стане асвячальнай ласкі, прымаць Камунію, штодзённа маліцца на Ружанцы. На фэсце будзе магчымасць пазнаёміць людзей з дзейнасцю кожнага руху, а для музыкаў – распаўсюдзіць дыскі з хрысціянскімі спевамі. Для дэталёвага асвячэння Вашай дзейнасці прапануем наладзіць на фэсце асобную прома-зону.

Фармат, канцэпцыя і мэта фестывалю

Фармат фестывалю:

Фестываль-рэкалекцыі закрытага тыпу. Для ўдзелу патрэбна зарэгістравацца.

Запрашаем гасцей з каталіцкіх парафій Беларусі прыняць удзел у фестывалі!

Канцэпцыя фестывалю:

Госці атрымаюць магчымасць сустрэцца з Жывым Богам праз пакаянне і навяртанне, праз сведчанні іншых людзей пра тое, як Бог дзейнічае ў іх жыцці, а таксама праз праслаўленне Бога спевам і малітвамі (Праслаўленне Святых Дароў, Адарацыя Крыжа, Ружанец, Крыжовы шлях, Святая Імша).

Мэта фестыфалю

Фестываль патрэбны для таго, каб паглыбіць духоўнае перажыванне прысутнасці Бога ў жыцці верніка праз малітоўныя набажэнствы і духоўныя практыкаванні.

Праграма фестывалю

  • 10:00-11:00 Рэгістрацыя гасцей фестывалю.
  • 10:00-11:00 Прэс-канферэнцыя для СМІ.
  • 11:00 Пачатак фестывалю.

Урачыстае адкрыццё фестывалю (духоўная музыка, уступнае слова, бласлаўленне).

Святая Імша (Алтар на вуліцы).

Абед (арганізаваны кэйтэрынг, на вуліцы).

Крыжовы шлях (даліна блакітных крыжоў).

Каронка да Божай Міласэрнасці.

Сведчанні Божай прысутнасці ў жыцці людзей.

Праслаўленне (музычная частка).

Канферэнцыя-рэкалекцыі. Асвячэнне рэлігійных рэчаў.

Сведчанні служэння Богу сярод свецкіх людзей.

Праслаўленне Святых Дароў. Ружанец. Малітва аздараўлення.

Адарацыя Крыжа.

22:00 Заканчэнне фестывалю.

Музыка фестывалю

"Дзякуючы малітве нашыя сэрцы становяцца чыстымі і высакароднымі. Чыстае сэрца можа бачыць Бога, можа размаўляць з Богам і заўважаць Божую любоў у іншых людзях"
св. Маці Тэрэза з Калькуты

Музыка фестывалю - духоўная музыка. Музыка, якая выходзіць з чыстых сэрцаў.

Для выканання музыкі і спеваў на нашым фестывалі мы збіраем групу музыкантаў і спевакоў (групу Адарацыі), якія, апроч дадзенага ім Богам таленту, возьмуць на сябе абавязак на працягу ўсяго часу з моманту далучэння да групы Адарацыі і да пачатку фестывалю штодзённа маліцца ў інтэнцыі падрыхтоўкі фестывалю і рэалізацыі свайго таленту на фестывалі на хвалу Божую 10-ку Ружанца (Таямніца 5-я Хвалебная: Укаранаванне НПМ), а таксама прымаць раз ў тыдзень (у абраны дзень) Святую Камунію ў гэтай інтэнцыі.

На фестывалі не будзе плана спеваў. Усім працэсам праслаўлення будзе кіраваць Святы Дух. Музыканты, якія моляцца, будуць зладжана спяваць і выконваць тое, што будзе падказваць ім Дух Святы ў той момант і ў тым месцы.

Калі Вы - музыкант ці выканаўца, які прагне славы Бога, а не сваёй, які можа выконваць музыку ці спяваць у камандзе ў рэжыме імправізацыі, які гатовы маліцца і прымаць Святую Камунію ў інтэнцыі падрыхтоўкі фестывалю - запрашаем Вас далучыцца да нашай каманды групы Адарацыі!

Кантакт: +375 29 28 00 545, а. Віталій Цыбульскі

Сведчанні Божай прысутнасці

"Без Хрыста да канца зразумець чалавека немагчыма... А дакладней, без Хрыста сам чалавек не можа зразумець сябе да канца. Ён не можа спасцігнуць, хто ён, у чым яго сапраўдная годнасць, якое ягонае пакліканне і канчатковае прызначэнне. Ён ня здольны зразумець усё гэта без Хрыста. Таму Хрыста нельга выключыць з гісторыі чалавека ні ў якім кутку зямлі"
св. Ян Павел ІІ (02.06.1979)

Сведчанні Божай прысутнасці ў жыцці чалавека - гэта найлепшае адлюстраванне таго, што Бог дзейнічае і зараз, што Ён - Жывы і Сапраўдны Бог! Сведчанні ўзмацняюць веру і даюць чалавеку надзею на будучыню.

“Езу, давяраю Табе!” - не просты акт даверу, які прамаўляюць вусны, але сэрцы, якія спазналі Божую любоў.

Калі б Вы хацелі падзяліцца на фестывалі сведчаннем Божай прысутнасці ў Вашым жыцці, шчыра запрашаем Вас расказаць аб гэтым гасцям фестывалю - на хвалу Божую! Бо чым лепей мы можам падзякаваць Богу за нашае ацаленне ці выратаванне, як не сведчаннем Ягонай Усемагутнасці?

Запісацца, каб даць сваё сведчанне на фестывалі, можна ў арганізатараў фестывалю: +375 29 124 93 21, Вольга (viber, whatsapp, telegram)

У якасці сведчанняў святога жыцця сярод моладзі на фестывалі будуць дэманстравацца відэа-сведчанні: бл. Карло Акуціс (праграміст), Клэр Крокет (манахіня, былая акторка), св. Казімір Каралевіч і інш.

Адзінства на фестывалі

"Ідзіце па ўсім свеце і абвяшчайце Евангелле ўсякаму стварэнню."
Евангелле паводле св. Марка 16:15

У Бога шмат спосабаў даць чалавеку магчымасць перажыць адзінства ў Яго прысутнасці.

На фестывалі будзе магчымасць наведаць фота- выставу на духоўную тэматыку, а таксама пазнаёміцца з дзейнасцю каталіцкіх рухаў і СМІ праз іх прадстаўнікоў.

Запрашаем да ўдзелу ў фестывалі каталіцкія рухі і СМІ. Для Вас будзе магчымасць усталяваць свой стэнд на тэрыторыі касцёла, у месцы правядзення фестывалю, а таксама прыняць непасрэдны ўдзел - даць сведчанне пра сваё служэнне Богу праз свой рух / СМІ. Запісацца, каб даць сваё сведчанне на фестывалі, а таксама дамовіцца пра ўсталяванне свайго стэнда можна ў арганізатараў фестывалю: +375 29 124 93 21, Вольга (viber, whatsapp, telegram)

Запрашаем таксама валанцёраў далучыца да арганізацыі фестывалю. Далучыцца да валанцёрскага руху фестывалю можна праз арганізатараў: +375 29 124 93 21, Вольга (viber, whatsapp, telegram)

На тэрыторыі касцёла таксама працуе Крама- Музей-Галерэя, дзе можна набыць рэлігійныя рэчы (Біблію, ружанцы, іконы, малітоўнікі, фігуркі Маці Божай Новага Жыцця, каталіцкую літаратуру, свечкі, крыжыкі і інш.), сувеніры фестывалю, а таксама пазнаёміцца з гісторыяй уселюбскага касцёла.

Рэгістрацыя гасцей фестывалю

Каб трапіць на наш фестываль-рэкалекцыі патрэбна зарэгістравацца. Рэгістрацыя патрэбная для таго, каб мы ведалі, на якую колькасць гасцей трэба будзе гатаваць ежу.

Заяўку на групу вернікаў ад Вашай парафіі можна падаць праз ксяндза-пробашча, калі прыбыццё на наш фестываль будзе арганізоўвацца Вашай парафіяй цэнтралізавана, або Вы можаце зарэгістравацца індывідуальна.

Тэлефоны для рэгістрацыі:
+375 33 320 11 48, Наталля (viber, telegram)
+375 44 759 08 67, Ірына (viber)

На фестывалі будзе арганізаваны ўсеагульны абед (гарнір, мясная страва, напой, дэсерт). Кошт талона на абед - 12-15 BYN (заплаціць за талон можна будзе падчас рэгістрацыі; дакладны кошт абеда будзе вядомы за месяц да фестывалю).

Дадаткова будуць працаваць 2 кавярні (Дом Пілігрыма і альтанка), дзе за дадатковую аплату Вы зможаце падсілкаваца гарачай гарбатай, кавай, натуральным мёдам і хатняй выпечкай.

Будзе магчымасць таксама набыць мёд і прадукты пчалярства, зёлкавую гарбату і інш.

Спонсарства фестывалю

"Калі ласка Божая асвяціла нас адзінствам веры каталіцкай, то першая нашая думка і самае вялікае прагненне, каб памнажэнне веры ўзмацнялася, - будаваць касцёлы, наколькі хопіць для гэтага сіл".
Мікалай Хрыстафор Радзівіл “Сіротка”.

Будаванне касцёла - гэта не толькі фізічнае будаванне муроў і будынка касцёла, але, перш за ўсё, - будаванне Касцёла ў сэрцах людзей. І фестываль - адна з такіх магчымасцяў будаўніцтва.

Запрашаем спонсараў і ахвярадаўцаў прыняць ўдзел у арганізацыі фестывалю.

Тэлефон па справах ахвяраванняў:
+375 29 28 00 545, а. Віталій Цыбульскі

Ахвяраваць на фестываль  

Калі б Вы хацелі ўнесці свой асабісты фінансавы ўклад у арганізацыю і развіццё нашага фестывалю,
Вы можаце зараз ахвяраваць on-line.

Ахвяраваць

За ўсіх спонсараў і ахвярадаўцаў касцёла цэлебруецца Святая Імша кожную пятніцу месяца.